హోటల్స్లో బెడ్షీట్లు, టవల్స్ తెల్లగానే ఎందుకుంటాయో తెలుసా?
హైవే పక్కన ఉన్న సాధారణ హోటల్ అయినా.. ఖరీదైన లగ్జరీ హోటల్ అయినా గదిలో తెల్లటి బెడ్షీట్లు, దిండు కవర్లు, టవల్స్నే ఎక్కువగా చూస్తుంటాం. తెలుపు రంగు బెడ్షీట్లు, దిండ్లు త్వరగా మాసిపోతాయని తెలిసినా.. హోటళ్లు వాటినే ఎందుకు వాడతాయో తెలుసా? శుభ్రంగా ఉన్నాయో లేదో సులభంగా గుర్తించవచ్చు. అంతేకాదు.. వాటిని ఉతకడం, శుభ్రంగా ఉంచడం కూడా సులభంగా ఉంటుంది.
పరిశుభ్రత స్పష్టంగా కనిపిస్తుంది:
తెల్లటి బెడ్షీట్పై చిన్న మరక, వెంట్రుక లేదా ఏదైనా మురికి పడినా వెంటనే కనిపిస్తుంది. దీంతో హోటల్ సిబ్బంది వాటిని సులభంగా గుర్తించి శుభ్రం చేయవచ్చు. అలాగే బెడ్షీట్ శుభ్రంగా ఉందో లేదో అతిథులకు కూడా వెంటనే తెలుస్తుంది.
తాజాదనాన్ని సూచిస్తుంది:
శుభ్రమైన తెల్లటి బెడ్షీట్లు చూస్తే చాలామందికి పరిశుభ్రత, తాజాదనం, సౌకర్యం గుర్తుకు వస్తాయి. అందుకే హోటళ్లలో తెల్లటి పరుపులను ఎక్కువగా ఉపయోగిస్తారు.
రంగు వెలిసిపోదు:
హోటళ్లలో బెడ్షీట్లు, టవల్స్ను తరచూ ఉతకాల్సి ఉంటుంది. తెల్లటి వస్త్రాలను వేడి నీటితో లేదా బ్లీచ్ వంటి శుభ్రపరిచే పదార్థాలతో ఉతికినా రంగు వెలిసిపోయే సమస్య ఉండదు.
లాండ్రీ పని సులభం:
హోటళ్లలో రోజూ పెద్ద మొత్తంలో బెడ్షీట్లు, టవల్స్ ఉతకాల్సి ఉంటుంది. అవన్నీ ఒకే రంగులో ఉంటే.. రంగుల వారీగా విడిగా వేరు చేయాల్సిన అవసరం ఉండదు. దీంతో బట్టలు ఉతకడం సులభంగా, త్వరగా పూర్తవుతుంది.
మరకలు తొలగించడం సులభం:
తెల్లటి వస్త్రాలపై మరకలు సులభంగా కనిపిస్తాయి. దీంతో వాటిని వెంటనే గుర్తించి ప్రత్యేకంగా శుభ్రం చేయవచ్చు. అంతేకాదు.. ప్రత్యేకమైన శుభ్రపరిచే పద్ధతులతో తెల్లటి వస్త్రాలను మళ్లీ కొత్తవిలా కనిపించేలా చేయవచ్చు.
అందుకే హోటళ్లలో తెల్లటి బెడ్షీట్లు, టవల్స్ వాడటం కేవలం అందం కోసం మాత్రమే కాదు. పరిశుభ్రతను సులభంగా గుర్తించడం, శుభ్రం చేయడం, ఉతకడం సులభంగా ఉండటంతో హోటళ్లు తెలుపు రంగుకే ఎక్కువగా ప్రాధాన్యం ఇస్తాయి.
You Might Also Like
-
మిస్ వరల్డ్ ఈవెంట్ వేదికపై విజేతగా కిరీటం ధరించడం అందగత్తెల జీవితకాల స్వప్నం. ఇటీవల...
-
మనసుకు నచ్చిన దారిలో వెళ్లేందుకు చాలా మంది సంశయిస్తారు. ఎవరో ఎదో అనుకుంటారనో మరో సందేహంతోనే అందరూ...
Leave A Comment
Comments