ఐపీఎల్ కోసం పీఎస్ఎల్కు గుడ్బై.. ముజరబానిపై రెండేళ్ల నిషేధం విధించిన పీసీబీ
ఫ్రాంచైజీ లీగ్ల మధ్య పోటీ మరోసారి చర్చనీయాంశమైంది. జింబాబ్వే స్టార్ పేసర్ బ్లెస్సింగ్ ముజరబాని ఐపీఎల్ 2026లో ఆడేందుకు పాకిస్థాన్ సూపర్ లీగ్ను మధ్యలోనే వదిలేసి వచ్చిన సంగతి తెలిసిందే. దీంతో అతడిపై పాకిస్థాన్ క్రికెట్ బోర్డు కఠిన చర్యలు తీసుకుంది. ముజరబానిపై రెండేళ్ల నిషేధం విధిస్తూ అధికారిక ప్రకటన విడుదల చేసింది. తొలుత ఈ ఏడాది ఐపీఎల్ వేలంలో ముజరబానిని ఏ ఫ్రాంచైజీ కొనుగోలు చేయడానికి ఆసక్తి చూపకపోవడంతో అతడు అన్సోల్డ్గా మిగిలాడు. దీంతో పీఎస్ఎల్లో ఇస్లామాబాద్ యునైటెడ్తో ఒప్పందం కుదుర్చుకున్నాడు. అయితే భారత్-బంగ్లా ఉద్రిక్తతల నేపథ్యంలో బంగ్లాదేశ్ ప్లేయర్ ముస్తాఫిజుర్ రెహమాన్ను బీసీసీఐ ఆదేశాల మేరకు ఐపీఎల్ నుంచి కేకేఆర్ తప్పించిన సంగతి తెలిసిందే. రెహమాన్ స్థానంలో ముజరాబానిని కేకేఆర్ తీసుకుంది. దీంతో అతడు పీఎస్ఎల్ను వదిలి ఐపీఎల్లో కేకేఆర్ జట్టులో వచ్చి చేరాడు. ఈ నిర్ణయం పీఎస్ఎల్ నిబంధనలకు విరుద్ధమని భావించి పీసీబీ కఠినంగా స్పందించింది.
ముజరబాని స్థానంలో ముస్తాఫిజుర్..
ముజరబాని పీఎస్ఎల్ను వీడటంతో ఇస్లామాబాద్ జట్టు అతడి స్థానంలో తిరిగి ముస్తాఫిజుర్ రెహమాన్ను తీసుకుంది. గతంలో సౌతాఫ్రికా స్టార్ ప్లేయర్ కార్బిన్ బోష్ కూడా పీఎస్ఎల్ నుంచి ఐపీఎల్కు వచ్చాడు. అతడిపై ఏడాది నిషేధం మాత్రమే పడింది. కానీ ముజరబానికి రెండేళ్ల నిషేధం విధించడం గమనార్హం. ఇక మరో ఇద్దరు ఆటగాళ్లు కూడా ఉన్నట్టుండి పీఎస్ఎల్ను వీడారు. జాన్సెన్, శనక పీఎస్ఎల్ ఒప్పందాల నుంచి తప్పుకుని ఐపీఎల్లో పాల్గొన్నారు. వీరిపై కూడా ఇలాంటి చర్యలు ఉండే అవకాశాలు ఉన్నట్లు సమాచారం.
You Might Also Like
-
సైప్రస్: క్యాండిడేట్స్ చెస్ టోర్నీలో భారత గ్రాండ్ మాస్టర్ వైశాలి సంయుక్తంగా...
-
చెన్నై: మాజీ చాంపియన్ కోల్కతా నైట్రైడర్స్ పరాజయాల పరంపర కొనసాగుతూనే ఉంది. అట...
Leave A Comment
Comments