సూచీలకు భారీ నష్టాలు.. రికార్డ్ కనిష్టానికి చేరువలో రూపాయి..
విదేశీ సంస్థాగత మదుపర్లు గత శుక్రవారం ఏకంగా 1, 766 కోట్ల రూపాయల విలువైన షేర్లను అమ్మడం దేశీయ సూచీలపై నెగిటివ్ ప్రభావం చూపించింది. డాలర్‌తో పోల్చుకుంటే రూపాయి రికార్డ్ కనిష్టానికి చేరడం కూడా స్టాక్‌మార్కెట్‌ను వెనక్కి లాగింది. అలాగే గరిష్టాల వద్ద పలు సెక్టార్లలో లాభాల స్వీకరణ కూడా జరిగింది. ఈ నేపథ్యంలో ఈ రోజు సెన్సెక్స్, నిఫ్టీ భారీ నష్టాలతో రోజును ముగించాయి.
గత సెషన్ ముగింపు (85, 231)తో పోల్చుకుంటే సోమవారం ఉదయం దాదాపు వంద పాయింట్ల లాభంతో మొదలైన సెన్సెక్స్ మధ్యాహ్నం వరకు లాభనష్టాలతో దోబూచులాడింది. అయితే మధ్యాహ్నం తర్వాత చివరి గంటలో నష్టాల్లోకి జారుకుంది. చివర్లో అమ్మకాలు వెల్లువెత్తడంతో సూచీలు నష్టాలతో రోజును ముగించాయి. చివరకు సెన్సెక్స్ 331 పాయింట్ల నష్టంతో 84, 900 వద్ద రోజును ముగించింది. మరో వైపు నిఫ్టీ కూడా సెన్సెక్స్ బాటలోనే కదలాడింది. చివరకు 108 పాయింట్ల నష్టంతో 25, 959 వద్ద స్థిరపడింది.
సెన్సెక్స్‌లో రైల్ వికాస్ నిగమ్, ఎన్‌బీసీసీ, కేపీఐటీ టెక్, టెక్ మహీంద్రా, ఏబీ క్యాపిటల్ మొదలైన షేర్లు లాభాలు ఆర్జించాయి. సమ్మన్ క్యాపిటల్, సీజీ పవర్, ప్రెస్టేజ్ ఎస్టేట్, హిందుస్థాన్ ఏరోనాటిక్స్, భారత్ ఎలక్ట్రానిక్స్ మొదలైన షేర్లు నష్టాలను మూటగట్టుకున్నాయి. నిఫ్టీ మిడ్ క్యాప్ ఇండెక్స్ 194 పాయింట్ల నష్టంతో రోజును ముగించింది. బ్యాంక్ నిఫ్టీ 32 పాయింట్లు కోల్పోయింది. డాలర్‌తో పోల్చుకుంటే రూపాయి మారకం విలువ 89.23గా ఉంది.
You Might Also Like
-
దేశంలో గత కొన్ని రోజులుగా బంగారం ధరలు పెరుగుతూనే ఉన్నాయి. అమెరికా ఫెడరల్ రిజర్వ్ వడ్డీ రేట్లపై కో...
-
భారతదేశ ఫైనాన్స్ సెక్టార్‌లో ఇన్వెస్ట్‌మెంట్ బ్యాంకింగ్ నుంచి ఫిన్‌టెక్, రిస్క్ మేనేజ్మెంట్ వంటి...
Leave A Comment
Comments