14 మంది ప్రాణాలు కాపాడిన ‘పింఛన్’
సామర్లకోట : కాకినాడ జిల్లా వేట్లపాలెం బాణసంచా తయారీ కేంద్రంలో ప్రమాద ఘటన నుంచి 14 మంది కూలీలు ‘పింఛన్’ కారణంగా ప్రాణాలు కాపాడుకున్నారు. ఇతర కూలీల మాదిరే వీరు కూడా శనివారం బాణసంచా తయారీ కేంద్రానికి పనికి వెళ్లాల్సివుంది. అయి తే ఆ రోజు సామాజిక పింఛన్లు పంపిణీ చేయడంతో లబ్ధిదారులైన ఈ 14 మంది పనికి వెళ్లలేదు. కూటమి ప్రభుత్వం ప్రతినెలా ఒకటో తేదీన పింఛన్లు పంపిణీ చేస్తున్న తెలిసిందే. మార్చి 1వ తేదీ ఆదివారం సెలవు రోజు కావడంతో ఫిబ్రవరి 28వ తేదీ(శనివారం)నే పింఛన్లు అందజేశారు. వేట్లపా లెం బాణసంచా తయారీ కేంద్రంలో పనిచేస్తున్నవారిలో 14 మంది కూలీలు పింఛన్లు తీసుకోవడం కోసం శనివారం పనికి వెళ్లేలేదు. పింఛన్లు తీసుకుని ఇళ్ల దగ్గరే ఉండిపోయారు. అదేరోజు బాణసంచా తయారీ కేంద్రంలో జరిగిన విస్ఫోటంలో 23 మంది కూలీలు మరణించారు. ఆ రోజు కూలి పనులకు ఈ 14 మంది వెళ్లకపోవడంతో ప్రమాదం నుంచి తప్పించుకున్నారు.
You Might Also Like
-
న్యూఢిల్లీ : ఢిల్లీ మద్యం కేసులో ట్రయల్ కోర్టు ఇచ్చిన తీర్పును సీబీఐ.. ఢిల్లీ హ...
-
గుంటూరు : తాను మరణిస్తూ ఐదుగురి జీవితాల్లో వెలుగులు నింపాడు ఆ యువకుడు. అవయవ దానం...
Leave A Comment
Comments