ర‌వితేజ‌పై ప్రేమ. సినిమా వాయిదా వేసుకున్న తమిళ హీరో
విష్ణు విశాల్ కథానాయకుడిగా నటించిన చిత్రం ‘ఆర్యన్‌’ తెలుగులో విడుదల కొత్త తేదీకి మారింది. ముందు ప్రకటించిన విధంగా ఈ నెల 31న ఈ చిత్రం విడుదలవ్వడం లేదు. ఒక వారం ఆలస్యంగా నవంబర్‌ 7న ‘ఆర్యన్‌’ చిత్రాన్ని విడుదల చేయాలని నిర్ణయించుకున్నట్లు విష్ణు విశాల్ తెలిపారు. ‘రవితేజ నటించిన ‘మాస్ జాతర’, ‘బాహుబలి: ది ఎపిక్‌’ చిత్రాలు కూడా ఈ నెల 31న విడుదలవుతున్నాయి. రవితేజతో నాకున్న స్నేహం, రాజమౌళిపై గౌరవంతో ఈ నిర్ణయం తీసుకున్నాం’ అని ఆయన తెలిపారు.
అయితే ‘ఆర్యన్‌’ తమిళ వెర్షన్‌ మాత్రం ఈ నెల 31నే విడుదలవనుంది. ఇన్వెస్టిగేటివ్‌ థ్రిల్లర్‌గా తెరకెక్కిన ‘ఆర్యన్‌’ చిత్రానికి ప్రవీణ్‌ కె దర్శకుడు. శుభ్ర, ఆర్యన్‌ రమేశ్‌ నిర్మించారు. శ్రద్ధా శ్రీనాథ్‌ కథానాయిక. తెలుగ‌మ్మాయి మాన‌సా చౌద‌రి ఓ కీలక పాత్ర‌లో న‌టించింది.సెల్వ రాఘవన్‌ కీలకపాత్ర పోషించారు. శ్రేష్ట్‌ మూవీస్‌ అధినేత సుధాకర్‌ రెడ్డి ఈ చిత్రాన్ని తెలుగు రాష్ట్రాల్లో విడుదల చేస్తున్నారు.
ఇదిలాఉంటే.. విష్ణు విశాల్ నటించిన మ‌ట్టీ కుస్తీ సినిమాకు రవితేజ స‌హా నిర్మాత కాగా ఆపై వ‌చ్చిన విష్ణు చిత్రాల‌కు సైతం మాస్ మ‌హ‌రాజా స‌పోర్ట్ అందించారు. ఈ నేప‌థ్యంలో రవితేజ మాస్ జాతర చిత్రానికి పోటీగా త‌న చిత్రాన్ని పోటీలో ఉంచ‌లేక వాయిదా వేయ‌డం విశేషం. ఈ మేర‌కు సోష‌ల్ మీడియా వేదిక‌గా ఓ లెట‌ర్ సైతం రిలీజ్ చేసి సినిమా వాయిదా వేయ‌డంపై తెలుగు వారిని అభ్య‌ర్థించాడు. కాగా విష్ణు విశాల్ ఐదేండ్ల క్రితం మ‌న తెలుగు క్రీడాకారిణి గుత్తా జ్వాల‌ను వివాహాం చేసుకోగా వారికి ఓ పాప సంతానం.
You Might Also Like
-
చిరంజీవి, బాబీ కాంబినేషన్లో తెరకెక్కనున్న సినిమాలో నటిస్తున్నారనే ప్రచారాన్ని హీరోయిన్ మాళవికా మో...
-
విష్ణు విశాల్ కథానాయకుడిగా నటించిన చిత్రం ‘ఆర్యన్‌’ తెలుగులో విడుదల కొత్త తేదీకి మారింది....
Leave A Comment
Comments