వేసవిలో చిన్నారుల ఆరోగ్యాన్ని ఎలా కాపాడుకోవాలో తెలుసా?
వేసవిలో చిన్నపిల్లలను చాలా జాగ్రత్తగా చూసుకోవాలి. ఈ కాలంలో పిల్లలు వడదెబ్బ, వడ దద్దుర్లు, విరేచనాలు, వాంతులు వంటి సమస్యలకు గురయ్యే అవకాశం ఉంటుంది. అందుకే తల్లిదండ్రులు ముందుగానే జాగ్రత్తలు తీసుకోవాలి.
అధిక చెమట నుంచి రక్షణ
వేసవిలో పిల్లలకు ఎక్కువగా చెమట పడుతుంది. దీని వల్ల మెడ చుట్టూ లేదా చేతులపై దద్దుర్లు రావచ్చు. కాబట్టి స్నానం చేసేటప్పుడు ఈ భాగాలను బాగా శుభ్రం చేయాలి. స్నానం తర్వాత మెత్తని గుడ్డతో బాగా తుడవాలి.
సరైన దుస్తులు వేయించడం
పిల్లలకు వేసవిలో వదులుగా ఉండే కాటన్ దుస్తులు వేయాలి. ఇవి చెమటను పీల్చుకుని చర్మానికి గాలి అందేలా చేస్తాయి. బయటకు తీసుకెళ్తే టోపీ పెట్టడం, చేతులు కాళ్లు కప్పేలా దుస్తులు వేయించడం మంచిది.
గది ఉష్ణోగ్రతపై జాగ్రత్త
పిల్లలు ఉండే గది చాలా వేడిగా లేదా చాలా చల్లగా ఉండకూడదు. సాయంత్రం సమయంలో కిటికీలు, తలుపులు తెరిచి గాలి రాకపోకలు ఉండేలా చూడాలి. ఏసీ వాడితే 24 నుంచి 26 డిగ్రీల మధ్య ఉంచడం మంచిది.
మరిన్ని జాగ్రత్తలు
పిల్లలకు తరచుగా నీరు ఇవ్వాలి, శరీరం డీహైడ్రేట్ కాకుండా చూసుకోవాలి. మధ్యాహ్నం ఎండ ఎక్కువగా ఉన్న సమయంలో బయటకు తీసుకెళ్లడం నివారించాలి. పిల్లల ఆరోగ్యంలో ఏవైనా మార్పులు కనిపిస్తే వెంటనే డాక్టర్ను సంప్రదించాలి. ఈ చిన్న చిన్న జాగ్రత్తలు పాటిస్తే వేసవిలో కూడా పిల్లల ఆరోగ్యం కాపాడుకోవచ్చు.
You Might Also Like
-
ఏ మహామూలిక గుండెజబ్బులకు గొప్ప ఔషధమో, కుష్ఠు సహా అన్ని చర్మవ్యాధులకు నివారకమో, పక్షవాతం మ...
-
కావలసిన పదార్థాలు: బేబీ ఆలుగడ్డలు - పావు కిలో, నువ్వుల నూనె - స్పూను, ఆవాలు - అర...
Leave A Comment
Comments