కుణే రామలింగేశ్వరుడిని దర్శించుకున్న ఎమ్మెల్యే అమిలినేని
యాటకల్లు (కుందుర్పి):
తొలి ఏకాదశి పర్వదినాన్ని పురస్కరించుకుని మండల పరిధిలోని యాటకల్లు గ్రామంలో వెలసిన కుణే రామలింగేశ్వరుడిని స్థానిక ఎమ్మెల్యే అమిలినేని సురేంద్ర బాబు దర్శించుకున్నారు. 7 శౌరీల అన్నదమ్ముల ఆధ్వర్యంలో జరుగుతున్న ఉత్సవాలకు విచ్చేసిన ఎమ్మెల్యేకు స్థానిక టీడీపీ నాయకులు, గ్రామీణులు గజమాలతో, పూల వర్షం కురిపిస్తూ ఘన స్వాగతం పలికారు.
ఈ సందర్భంగా ఎమ్మెల్యే ముందుగా గ్రామంలోని మహర్షి వాల్మీకి విగ్రహానికి పూలమాల వేసి అంజలి ఘటించారు. అనంతరం ఆలయానికి చేరుకుని శ్రీ రామలింగేశ్వర స్వామివారికి ప్రత్యేక పూజలు నిర్వహించి, తీర్థప్రసాదాలు స్వీకరించారు. ఈ క్రమంలో ఆలయ కమిటీ సభ్యులు ఎమ్మెల్యేను శాలువాతో ఘనంగా సన్మానించి, స్వామివారి చిత్రపటాన్ని బహుకరించారు.
సకల హంగులతో కళ్యాణమంటపం పూర్తి చేస్తాం: ఎమ్మెల్యే
అనంతరం ఆలయ ప్రాంగణంలో నిర్మిస్తున్న నూతన కళ్యాణమంటపం పనులను ఎమ్మెల్యే పరిశీలించారు. ఈ సందర్భంగా ఆయన మాట్లాడుతూ.. ఎన్నికలకు ముందే తన సొంత నిధులు ₹15 లక్షలు అందించానని, ప్రభుత్వం అధికారంలోకి వచ్చిన తర్వాత అనంతపురం ఎంపీ అంబికా లక్ష్మీనారాయణ సహకారంతో ఎంపీ నిధుల నుంచి మరో ₹25 లక్షలు మంజూరు చేయించి భవన నిర్మాణం పూర్తి చేయించామని తెలిపారు.
ఇంకా అవసరమైన ఫ్యాన్లు, లైట్లు, తలుపుల ఏర్పాటుతో పాటు వధూవరుల గదులు, భోజన శాల, శౌచాలయాలను సకల హంగులతో త్వరలోనే అందుబాటులోకి తెస్తామన్నారు. గ్రామంలో వివాహాలు, ఇతర శుభకార్యాలు ఇక్కడే వైభవంగా జరుపుకునేలా చూస్తామని హామీ ఇచ్చారు.
అనంతరం ఆలయానికి విచ్చేసిన భక్తులతో కలిసి కూర్చుని మాట్లాడిన ఎమ్మెల్యే, వారితో పాటే అన్నప్రసాదం స్వీకరించారు. ఈ కార్యక్రమంలో స్థానిక నాయకులు, ఆలయ కమిటీ సభ్యులు, 7 శౌరీల అన్నదమ్ములు, భక్తులు పెద్ద సంఖ్యలో పాల్గొన్నారు.
You Might Also Like
-
కుందుర్పి:
ఇటీవల ప్రమాదంలో గాయపడి ఇంట్లో విశ్రాంతి తీసుకుంటున్న మండల కేంద్...
-
హైదరాబాద్ (న్యూస్లైన్):
హైదరాబాద్లోని ఏఐజీ (AIG) ఆసుపత్రిలో చికిత్స పొంద...
Leave A Comment
Comments