ఏఐజీ ఆసుపత్రిలో బాలకృష్ణను పరామర్శించిన సీఎం చంద్రబాబు
హైదరాబాద్ (న్యూస్లైన్):
హైదరాబాద్లోని ఏఐజీ (AIG) ఆసుపత్రిలో చికిత్స పొందుతున్న ప్రముఖ సినీ నటుడు, హిందూపురం ఎమ్మెల్యే నందమూరి బాలకృష్ణను ఏపీ ముఖ్యమంత్రి నారా చంద్రబాబు నాయుడు ఆదివారం ఉదయం పరామర్శించారు.
ఇటీవల కాకినాడ వద్ద జరుగుతున్న నూతన చిత్ర షూటింగ్లో ప్రమాదవశాత్తు గాయపడిన బాలకృష్ణ.. గచ్చిబౌలిలోని ఏఐజీ ఆసుపత్రిలో చేరి చికిత్స పొందుతున్న సంగతి తెలిసిందే. ఈ నేపథ్యంలో ఆసుపత్రికి వెళ్లిన సీఎం చంద్రబాబు, బాలకృష్ణ ఆరోగ్య పరిస్థితిని పరామర్శించి ఆయనకు ధైర్యం చెప్పారు.
అనంతరం బాలకృష్ణకు అందిస్తున్న చికిత్స, ఆయన కోలుకుంటున్న తీరు గురించి అక్కడ ఉన్న వైద్య బృందాన్ని సీఎం అడిగి తెలుసుకున్నారు. మోకాలికి విజయవంతంగా శస్త్రచికిత్స పూర్తయిందని, ఆయన ఆరోగ్యం ప్రస్తుతం స్థిరంగా ఉండి వేగంగా కోలుకుంటున్నారని వైద్యులు వెల్లడించారు. వైద్యుల సూచన మేరకు కొన్ని రోజుల పాటు పూర్తి విశ్రాంతి తీసుకోవాలని బాలకృష్ణకు సీఎం సూచించారు.
You Might Also Like
-
కుందుర్పి:
ఇటీవల ప్రమాదంలో గాయపడి ఇంట్లో విశ్రాంతి తీసుకుంటున్న మండల కేంద్...
-
హైదరాబాద్ (న్యూస్లైన్):
హైదరాబాద్లోని ఏఐజీ (AIG) ఆసుపత్రిలో చికిత్స పొంద...
Leave A Comment
Comments