పనస గింజలతో కాఫీని తయారు చేయవచ్చా?
పనస పండు మాత్రమే కాదు, దాని గింజలు కూడా ఆరోగ్యానికి చాలా మంచివి. కానీ చాలామంది పనస తిన్న తర్వాత గింజలను పారేస్తారు. అయితే ఆ గింజలతో రుచికరమైన కాఫీ తయారు చేసుకోవచ్చని మీకు తెలుసా? అవును, పనస గింజలతో ప్రత్యేకమైన కాఫీని సులభంగా తయారు చేసుకోవచ్చు.
వేసవిలో పనస పండ్లు ఎక్కువగా లభిస్తాయి. పనస గింజల్లో యాంటీఆక్సిడెంట్లు, ప్రొటీన్, ఐరన్, విటమిన్-ఎ వంటి పోషకాలు పుష్కలంగా ఉంటాయి. ఇవి రక్తహీనత తగ్గించడంలో, చర్మం, జుట్టు ఆరోగ్యాన్ని మెరుగుపరచడంలో సహాయపడతాయి. ఇప్పుడు అదే గింజలతో కాఫీ ఎలా చేయాలో తెలుసుకుందాం..
పనస గింజల కాఫీ తయారీ విధానం
ముందుగా పనస గింజలపై తొక్క తీసి చిన్న ముక్కలుగా కోయాలి. తర్వాత వాటిని ఒక పాన్లో వేసి 8 నుంచి 10 నిమిషాలు నూనె లేకుండా వేయించాలి. చల్లారిన తర్వాత మిక్సీలో వేసి పొడిలా చేసుకోవాలి. ఆ పొడిని మళ్లీ పాన్లో వేసి గోధుమరంగు వచ్చే వరకు డ్రై రోస్ట్ చేయాలి. తర్వాత మరోసారి మిక్సీలో వేసి మెత్తగా గ్రైండ్ చేస్తే పనస గింజల కాఫీ పొడి సిద్ధమవుతుంది.
కాఫీ ఎలా తయారు చేయాలి?
ఒక గిన్నెలో పాలు వేడి చేసి అందులో కొద్దిగా పనస గింజల కాఫీ పొడి వేసి బాగా కలపాలి. ఉండలు లేకుండా కలుపుతూ మరిగించాలి. తర్వాత గ్లాసులో బెల్లం పొడి వేసి, తయారుచేసుకున్న కాఫీని అందులో పోసి కలిపితే రుచికరమైన పనస గింజల కాఫీ రెడీ అవుతుంది.
You Might Also Like
-
పనస పండు మాత్రమే కాదు, దాని గింజలు కూడా ఆరోగ్యానికి చాలా మంచివి. కానీ చాలామంది పనస తిన్న తర్వాత గ...
-
లాంగ్ డ్రైవ్స్, వీకెండ్ ట్రిప్స్ ఇప్పుడు చాలా మందికి సాధారణంగా మారిపోయాయి. ముఖ్యంగా హైవేల వెంట కన...
Leave A Comment
Comments